Um rafræn skilríki á Auðkenniskorti
Einstaklingar geta fengið útgefin rafræn skilríki á Auðkenniskorti sem er plastkort í sömu stærð og greiðslukort.
Til þess að nota Auðkenniskortið þarf sérstakan kortalesara sem tengist tölvunni með USB tengi. Kortalesari fæst hjá flestum bankaútibúum og hjá okkur í Auðkenni, Katrínartúni 4 á fyrstu hæð.
Einkaskilríki á Auðkenniskorti kosta 2.600 kr. og gildistími þeirra er eitt ár.
Athugaðu!
Auðkenniskortin henta því miður ekki fyrir tölvur frá Apple þar sem hugbúnaðurinn sem þarf að nota styður ekki Mac-umhverfið.
