Við bendum á að einfaldast er að fara á þá skráningarstöð sem þú átt þegar í viðskiptum við. Skoðaðu allar staðsetningar á kortinu hér fyrir neðan og mundu að taka með þér leyfð persónuskilríki í gildi.
Staðsetningar
Sértæk þjónusta
Ef þörf er á sértækri þjónustu við útgáfu rafrænna skilríkja er hægt að senda inn beiðni. Þjónustan er veitt utan hefðbundins afgreiðslutíma og fer fram í ró og næði hjá okkur, Katrínartúni 4. Umsækjandi þarf að fylgja hefðbundnu afgreiðsluferli til að fá útgefin skilríki, þar á meðal að velja leyninúmer (PIN-númer) sem enginn annar þekkir. Heimilt er að veita aðstoð við ferlið, svo lengi sem leyninúmerið er ekki afhjúpað. Beiðni skal senda á audkenni@audkenni.is þar sem útskýra þarf ástæðu þess að óskað er eftir þjónustunni. Við svörum beiðninni eins fljótt og auðið er.
